Benthyciadau offer digidol

Gall Cymunedau Digidol Cymru ddarparu benthyciadau o offer digidol am dymor byr i sefydliadau, gan gynnwys tabledi, gliniaduron a dyfeisiau clyfar fel y gallant ddarparu gweithgareddau digidol i’w defnyddwyr.

Caiff ceisiadau eu hystyried fesul un gyda benthyciadau dyfeisiau ar gael ar gyfer prosiectau sydd â’r effaith fwyaf bosibl sy’n dod o fewn ein rhaglen.

Cysylltwch â ni am gefnogaeth

Nyrs cartref gofal gydag offer wedi'i fenthyg gan Cymunedau Digidol Cymru

Beth ydyn ni’n ei fenthyca?

Mae gennym amrywiaeth o offer digidol gan gynnwys tabledi, gliniaduron, seinyddion clyfar, a llawer mwy, y gallwn eu darparu i’ch sefydliad ar fenthyg, er mwyn galluogi eich staff, gwirfoddolwyr a defnyddwyr gwasanaeth i roi cynnig ar yr offer cyn i chi fuddsoddi mewn unrhyw beth newydd.

Hyd y benthyciadau?

Gellir trefnu benthyciadau am gyfnod o amser sy’n addas i chi, a gall ein Cynghorwyr Digidol drafod yr opsiynau gorau gyda chi er mwyn helpu i wella sgiliau digidol a hyder pobl o fewn eich sefydliad.

Holi am fenthyg offer

Os hoffech drafod benthyg offer digidol oddi wrth DCW, yna anfonwch e-bost atom digitalcommunities@wales.coop

Astudiaethau achos

Mae cwmni budd cymunedol (CIC) Pennysmart yn defnyddio technoleg i helpu defnyddwyr banc bwyd i fynd i'r afael â phroblemau dyled

Mae cwmni budd cymunedol Pennysmart yn fenter gymdeithasol sy'n cynnig cyngor ariannol, cyngor ar ddyled a budd-daliadau i bobl ar incwm isel. Roedd y gefnogaeth a ddarparwyd i bobol sy'n defnyddio banc bwyd lleol wedi gwella'n sylweddol diolch i dechnoleg a fenthycwyd gan CDC.

Mae defnyddwyr canolfannau dydd Age Connects Torfaen yn rhoi cynnig ar dechnoleg i'w helpu i fyw bywydau mwy diogel a mwy annibynnol

Gall technoleg chwarae rhan enfawr wrth helpu pobl i fyw'n ddiogel ac yn annibynnol yn eu cartrefi eu hunain am gyfnod hirach. Bu Age Connects Torfaen a DCW yn cyd-weithio er mwyn galluogi ymwelwyr â chanolfannau dydd i roi cynnig ar ddefnyddio rhai o'r teclynnau diweddaraf sydd ar gael.

Llun o Hen ddyn ar ward ysbyty yn defnyddio dyfais tabled

Mae benthyg offer DCW yn cael effaith sylweddol ar wasanaethau iechyd meddwl i bobl hŷn

Benthycodd Uned Therapi Galwedigaethol Bwrdd Iechyd Prifysgol Caerdydd a'r Fro ddyfeisiau tabled oddi wrth CDC i'w defnyddio gyda chleifion ar eu wardiau iechyd meddwl. Mae Jayne Finch, technegydd therapi galwedigaethol, yn disgrifio’r effaith a gafodd hyn.