We Mind the Gap

Mae Cymunedau Digidol Cymru wedi partneru â sefydliadau ledled Cymru i helpu i bontio’r rhaniad digidol a chefnogi symudedd cymdeithasol. Enghraifft allweddol o’r cydweithrediad hwn yw eu gwaith gyda We Mind The Gap, elusen sy’n darparu rhaglenni sy’n newid bywydau i bobl ifanc sy’n wynebu rhwystrau sylweddol i gyfleoedd.

Dros y saith mlynedd diwethaf, mae Cymunedau Digidol Cymru wedi cefnogi We Mind The Gap yn eu hybiau yn Wrecsam a Sir y Fflint, drwy ddarparu offer digidol fel Chromebooks, gliniaduron a hyfforddiant wedi’i deilwra.

Roedd gan rai o’r bobl ifanc a gefnogwyd gan We Mind The Gap fynediad cyfyngedig neu ddim mynediad o gwbl at dechnoleg cyn ymuno â’r rhaglenni. Gyda chymorth Cymunedau Digidol Cymru, maent wedi gallu cymryd rhan mewn dysgu digidol am y tro cyntaf, gwella eu hyder, a dechrau cynllunio camau cadarnhaol tuag at eu dyfodol.

Rhannodd Craig, swyddog lles rhaglen We Grow: “Mae o hyd  wedi bod i roi yn ôl i bobl ifanc a’u helpu nhw i dyfu. Mae sgiliau digidol bellach yn rhan bwysig o’r daith honno. Gyda mynediad at Chromebooks a lle diogel i ddysgu, maen nhw’n adeiladu hyder, cysylltu ag eraill, a sylweddoli beth sy’n bosibl ar gyfer eu dyfodol.”

Mae’r cydweithrediad hwn yn dangos sut y gall ymdrechion cynhwysiant digidol wedi’u targedu grymuso unigolion, lleihau anghydraddoldeb, ac agor drysau i gyfleoedd newydd.