Sesiynau sgiliau digidol am ddim
Gweler isod fanylion am y sesiynau ar-lein Cymraeg a Saesneg sydd gennym ar y gweill, ynghyd â’r dolenni i gofrestru eich lle arnynt.
Rydyn ni wedi ceisio gwneud y broses arwyddo mor syml â phosib ond os ydych chi’n cael unrhyw broblemau wrth gofrestru, cysylltwch â DCWtraining@cwmpas.coop
Awst
Diogelwch ar-lein a meddwl beirniadol – 7 Awst 2025 | 10:00-11:30
Bydd y sesiwn hon yn cael ei chyflwyno yn Saesneg.
Bydd y sesiwn hon yn eich cyflwyno i sgiliau diogelwch ar-lein sylfaenol y gallwch chi eu defnyddio i helpu eraill i adeiladu sylfeini diogel cryf ar gyfer diogelwch ar-lein wrth ddysgu sgiliau digidol:
- Cadw’n ddiogel ar wefannau.
- Deall e-byst amheus.
- Dod o hyd i wybodaeth ddibynadwy ar-lein.
- Yn trafod sgiliau meddwl beirniadol.
Ynghyd â’r hyfforddiant, byddwn hefyd yn darparu adnoddau i chi y gallwch chi eu defnyddio i ddysgu rhagor am ddiogelwch ar-lein.
Cofrestrwch ar gyfer sesiwn Diogelwch ar-lein yma [agorir mewn tab newydd]
Y Gymraeg ar y we – gweithgareddau digidol ysbrydoledig i ddefnyddio’r Gymraeg ar-lein – 19 Awst 2025 | 14:00-15:30
Bydd y sesiwn hon yn cael ei chyflwyno yn Saesneg.
Nod y sesiwn hon yw eich cyflwyno i’r ystod o adnoddau Cymraeg ar-lein sydd ar gael ac ysbrydoli siaradwyr Cymraeg a Saesneg i ddefnyddio’r Gymraeg yn ystyrlon ar y we. Yn ystod y sesiwn, byddwn yn:
- Cyflwyno ffyrdd o ddefnyddio’r Gymraeg pan fyddwch ar y rhyngrwyd neu’n defnyddio offer digidol.
- Dangos yr adnoddau sydd ar gael ar gyfer adloniant, gwybodaeth a chymorth iaith.
- Rhoi trosolwg o adnoddau ar-lein i gefnogi dysgwyr Cymraeg.
Cofrestrwch ar gyfer sesiwn Y Gymraeg ar y we yma [agorir mewn tab newydd]
Cefnogi pobl gyda sgiliau digidol trosglwyddadwy bob dydd – 20 Awst 2025 | 10:00-11:30
Bydd y sesiwn hon yn cael ei chyflwyno yn Saesneg.
Mae yna lawer o sgiliau digidol hanfodol a ddefnyddiwn o ddydd i ddydd sy’n cysylltu â gwahanol dasgau. Rydyn ni’n llenwi ffurflenni ar wahanol wefannau, yn cyfathrebu gan ddefnyddio gwahanol wasanaethau negeseuon, ac yn defnyddio diogelwch ar-lein i wahanol weithgareddau digidol.
Beth fyddwch chi’n ei gael o’r sesiwn:
- Ystyried sut i helpu pobl i fynd ar-lein.
- Deall sgiliau digidol trosglwyddadwy a sut maen nhw’n cysylltu â gwahanol weithgareddau digidol.
- Archwilio dulliau ac adnoddau ymarferol i helpu eraill.
Cofrestrwch ar gyfer sesiwn Sgiliau digidol trosglwyddadwy yma [agorir mewn tab newydd]
AP GIG Cymru: Helpu Eraill i fod Ar-Lein – 27 Awst 2025 | 10:00-11:30
Bydd y sesiwn hon yn cael ei chyflwyno yn Saesneg.
Sesiwn hyfforddi i aelodau staff a gwirfoddolwyr i gefnogi pobl i ymgysylltu ag ap GIG Cymru.
Mae Cymunedau Digidol Cymru; Hyder Digidol, Iechyd a Lles (DCW) mewn partneriaeth â DSPP yn cyflwyno sesiynau hyfforddi Sioe Deithiol Cynhwysiant Digidol er mwyn cefnogi staff a gwirfoddolwyr i helpu eraill i ymgysylltu ag Ap GIG Cymru.
Bydd y sesiwn yn ymdrin â:
- Helpu pobl i fynd ar-lein a Deall rhwystrau i bobl ymgysylltu ar-lein
- Sgiliau a Nodweddion yr ap
- Defnyddio nodweddion Hygyrchedd digidol
- Bod yn ddiogel ar-lein
Cofrestrwch ar gyfer sesiwn AP GIG Cymru yma [agorir mewn tab newydd]
Medi
Cyflwyniad i GIG Cymru SilverCloud a gwasanaethau iechyd ar-lein – 3 Medi 2025 | 10:00-11:30
Bydd y sesiwn hon yn cael ei chyflwyno yn Saesneg. Os hoffech gael mynediad i’r sesiwn gyda chyfieithydd ar y pryd, dewiswch ‘ie’ ar y ffurflen gofrestru a byddwn yn gwneud pob ymdrech i ddarparu un.
Wedi’i ddatblygu mewn cydweithrediad â SilverCloud Cymru, gwasanaeth cymorth iechyd meddwl digidol GIG Cymru, rydym yn trafod strategaethau ac offer ymarferol i lywio byd iechyd a lles ar-lein.
Yr hyn y byddwch chi’n ei ddysgu o’r sesiwn:
- Cyfeirio at adnoddau iechyd ar-lein allweddol, gan gynnwys gwefannau allweddol GIG Cymru ac Iechyd Cyhoeddus Cymru.
- Archwiliwch y sgiliau digidol trosglwyddadwy sydd eu hangen i gael mynediad at wybodaeth iechyd ar-lein.
- Trosolwg o blatfform SilverCloud Cymru, sut i gofrestru, a nodweddion allweddol.
Cofrestrwch ar gyfer sesiwn GIG Cymru SilverCloud yma [agorir mewn tab newydd]
Sgiliau digidol ar gyfer chwilio am swydd – 11 Medi 2025 | 10:00-11:30
Bydd y sesiwn hon yn cael ei chyflwyno yn Saesneg.
Yn y weminar hon, trafodwn y sgiliau digidol trosglwyddadwy sy’n gysylltiedig â chwilio am swydd. Fe’i cynlluniwyd ar gyfer staff a gwirfoddolwyr a all gynnig cefnogaeth i geiswyr gwaith.
Beth fyddwch chi’n ei ddysgu o’r sesiwn:
- Opsiynau ar gyfer cefnogi unigolion i ddysgu sgiliau digidol trosglwyddadwy i gefnogi chwilio am swydd.
- Dealltwriaeth o ôl troed digidol a chadw’n ddiogel ac yn breifat ar-lein.