Mae pob math o hyfforddiant ar gynhwysiant digidol ar gael gan Cymunedau Digidol Cymru i staff rheng flaen a gwirfoddolwyr er mwyn rhoi’r hyder, y sgiliau a’r wybodaeth iddyn nhw allu defnyddio’r dechnoleg eu hunain a helpu eraill i wneud hynny hefyd. Mae ein hyfforddiant yn rhad ac am ddim, yn hyblyg, ac wedi’i gynllunio i ddiwallu anghenion eich sefydliad.
Hyfforddiant cynhwysiant digidol
Pwy ydyn ni’n eu hyfforddi?
Mae ein hyfforddwyr profiadol yn darparu hyfforddiant i staff rheng flaen a gwirfoddolwyr, gan gynnwys staff clinigol a gweithwyr iechyd proffesiynol, gofalwyr, cynghorwyr, llyfrgellwyr. Nod yr hyfforddiant yw mabwysiadu dull ‘Hyrwyddwyr Digidol’ lle gall staff a gwirfoddolwyr gynorthwyo eraill yn eu sefydliad a’u cymunedau.
Pam archebu hyfforddiant gan Cymunedau Digidol Cymru?
- Mae’n rhad ac am ddim.
- Mae gan ein staff brofiad helaeth o ddarparu hyfforddiant a chymorth cynhwysiant digidol.
- Rydyn ni’n cynnig mynediad at lyfrgell helaeth o adnoddau hyfforddiant ar ôl bob sesiwn.
- Mae’r sesiynau wedi’u teilwra’n llawn i ddiwallu anghenion eich sefydliad.
- Gallwn gyflwyno sesiwn unigol neu gyfres o sesiynau.
Beth mae ein hyfforddiant yn ei gynnwys?
Mae gennym bob math o ‘hyfforddiant pwrpasol’ sydd wedi’i gynllunio i apelio at amrywiaeth o gynulleidfaoedd, o ysbrydoli staff i ddefnyddio digidol, i helpu eraill a bod yn ddiogel ar-lein. Bydd angen sgiliau TG lefel sylfaenol ar gyfranogwyr i gymryd rhan.
Man cychwyn ein holl hyfforddiant cynhwysiant digidol yw cael eich Hyrwyddwyr Digidol a nodwyd i fynychu sesiwn gyflwyno gyda’n tîm o Gynghorwyr Cynhwysiant Digidol profiadol. Bydd y sesiwn yn rhoi ysbrydoliaeth i’ch grŵp a chyflwyniad i’r hyn y mae’n ei olygu i fod yn Hyrwyddwr Digidol.
Bydd y sesiwn hon yn cynnwys:
- Beth yw Hyrwyddwr Digidol?
- Beth i’w ddisgwyl gennym ni.
- Enghreifftiau o weithgareddau ysbrydoledig.
- Sut beth fyddai llwyddiant i chi fel sefydliad ac fel hyrwyddwr digidol?
Hyfforddiant dilynol
Ar ôl cwblhau’ch sesiwn cyflwyniad Hyrwyddwyr Digidol, efallai y bydd angen cefnogaeth, gwybodaeth neu gyngor penodol ar eich Hyrwyddwyr Digidol, neu hyfforddiant parhaus. Gall ein tîm ymroddedig o Gynghorwyr Cynhwysiant Digidol gynorthwyo gyda hyn.
